ДифI догъэлъапIэ

И щIэныгъэкIэ – дунейпсо утыкум

Лъэпкъыр зэрыгушхуэу Мухьэдин!

ЗыпIэтыну пщIати мурад ин,

КъохъулIауэ уитщ къэрал утыку,

ПхузэфIэкIыу къомыхьын емыкIу.

Уадыгэ нэсщ, укъэрал цIыхущ!

Уи акъылри жанщ, угупсэ нэхущ!..

Уи фIыр ягъэщIагъуэу дуней псом,

Тхьэм уефIакIуэу куэдрэ уигъэпсэу!

          ТХЬЭГЪЭПСЭУХЭ Увжыкъуэ

 

Зи щIэныгъэр IэщIагъэ къыхихам хуэзыунэтIу, зи гуащIэкIэ къэралым хуэлажьэ цIыхухэм ящыщщ, экономикэ щIэныгъэхэм я доктор, профессор, ЩIДАА-м и академик, УФ-м и Правительствэм и нэIэ щIэту лажьэ, Москва дэт финанс университетым и ректор Есчындар Мухьэдин.

Мухьэдин лъэпкъкIэ Къэрэшей-Черкесым щыщ Беслъэней къуажэм и зы къуэпсщ, Есчындар Абдурэхьмэн и къуэщ, 1951 гъэм щакIуэгъуэм (ноябрым) и 15-м къэхъуащ. ЩIалэм щIэныгъэм нэгъэсауэ зыхуиунэтIри, къэралым и еджапIэшхуэ нэхъ цIэрыIуэхэм, аспирантурэхэм Iэзагъэ нэс щызригъэгъуэтащ.

Апхуэдэу, 1976 гъэм къиухащ Москва дэт финанс институтым и кредит-экономикэ къудамэр, «экономист» щIэныгъэми хуеджащ. КъыкIэлъыкIуэ илъэсхэм мы институт дыдэм и аспирантурэм и щIэныгъэм щыпещэ. 1981 гъэм къыщыщIэдзауэ, IэнатIэ зыбжанэ зэрихъуэкIащ: институтым и кафедрэм и ассистенту, финанс-экономикэ къудамэм и деканым и къуэдзэу, егъэджакIуэ нэхъыжьу, кадрхэмкIэ къудамэм и унафэщIу, «Факультет международных экономических отношений» факультетым и декану игъэтIылъащ гуащIэ узыншэ.

АдэкIэ, Аденскэ универ ситетым (Йемен щыIэм) щылажьэ совет егъэджакIуэ гупым я унафэщIу щытщ, егъэджэныгъэ лэжьыгъэмкIэ проректор пажэщ, дунейпсо экономикэмрэ валютэ кредит зэхущытыкIэхэмрэкIэ кафедрэм и профессорщ. 2002-2006 гъэхэм Урысей Федерацэми Правительствэм и нэIэ щIэту лажьэ финанс академием и проректор пажэщ, 2006 гъэм щыщIэдзауэ ар дыдэм и ректорщ.

2010 гъэм щыщIэдзауэ, Правительствэм и нэIэ щIэту лажьэ финанс университетым и ректорщ. ИгуэщIа лэжьыгъэ Iыхьэм къыпэкIуэу, Мухьэдин къыхуагъэфэщащ фIыщIэ нагъыщэ куэд: «Почётный работник высшего профессионального образования Российской Федерации», «Заслуженный деятель науки Российской Федерации» цIэ лъапIэхэр, Урысейм и Президентым и Саугъэтым, Урысейм и Правительствэм и Саугъэтым, «Лучший менеджер 2001 года», «Финансист года» Саугъэтхэм я зехьакIуэщ, «Орден Дружбы» нагъыщэр къыхуагъэфэщащ, Къалмыкъым, Ингушым, Къэрэшей-Черкесым, Къэбэрдей-Балъкъэрым, Бурятие, Адыгэ республикэхэм щIыхь зиIэ я щIэныгъэрылажьэщ.

Абы къыщымынэу, къудамэ куэдымкIэ фIыщIэ тхылъхэр, медалхэр къратащ, хамэ къэрал куэдми зи цIэр фIыкIэ ягъэлъэпIа щIэныгъэрылажьэщ.

Бемырзэ Зураб

еджэн

Об авторе

Черкес Хэку

Просмотреть все сообщения

Добавить комментарий

Ваш адрес email не будет опубликован.