ЦIыхухэм яIущIащ

Къэрэшей Черкесым и Правительствэм и тхьэмадэ Аргун Мурат республикэм щыпсэухэм щаIущIащ УФм и Президентым Къэрэшей-Черкесым щиIэ и приемнэм деж. Абдежым къащтащ мыхьэнэ зиIэ унафэ зыбжанэ.
Уарп муниципальнэ районым хыхьэ Курджиново жылагъуэм щыпсэу Юрьевэ Наталье лъэIуащ я къуажэм фельдшеракушер пункт щаухуэну.
Республикэм и премьерминистрым зэригъэнэIуамкIэ, «Модернизация первичного звена здравоохранения КЧР» хэгъуэгу программэм къриубыдэ Iуэхухэр гъэзэщIэным ипкъ иту, Курджиново жылагъуэм 2023 гъэм фельдшеракушер пункт щаухуэну ягъэбелджылащ. Къыхахащ Шоссейнэ уэрамым деж а ухуэныгъэр здыщрагъэкIуэкIыну щIыгу Iыхьэри.
ИнжыджКIыкIун къуажэм щыпсэу Жэндар Мурат лъэIуащ къуажэр псыкIэ къызэгъэпэщынымкIэ къадэIэпыкъуну. Абы къызэрыхигъэщамкIэ, ​ зэфэну псыр гъэмахуэ пIалъэм щахуримыкъу мэхъу Ленин уэрамым щыпсэухэм.
КъэрэшейЧеркесым и Правительствэм и тхьэмадэм зэрыжиIамкIэ, Iуэхур зэфIагъэкIынущ мы илъэс екIуэкIым. «Современный облик сельских территорий» ведомствэ целевой программэм и федеральнэ проектыр гъэзэщIэным ипкъ иту, къуажэм и Чеховэ уэрамым щагъэтIылъынущ псы кIуапIэхэр.
Премьер-министрым къыхуэкIуа цIыхухэм къагъэува упщIэхэм ящыщ зыр епхауэ щытащ Нэгъуей муниципальнэ районым и Эркен-Щыхьэр къуажэм Мижевэ К. и цIэр зезыхьэ уэрамым тет, фэтэр куэду зэхэт е 8нэ унэм и IуплъапIэр (фасадыр) къэгъэщIэрэщIэжыным. Абы щIэлъэIуащ мы къуажэм щыпсэу КIэм Татьянэ.
Аргун Мурат къызэрыхигъэщамкIэ, «Капитальный ремонт общего имущества в многоквартирных домах на территории Карачаево-Черкесской Республики на 2014 -2050 годы» республикэ программэм хыхьэ пIалъэкIэщI планыр гъэзэщIэным къриубыдэу, бзылъхугъэр зыщIэлъэIуар 2022 гъэм къызэрагъэпэщыжынущ. Iуэхухэр зэлъэщIагъыхьэнущ мы илъэс екIуэкIым и етIуанэ мазищым (кварталым) къриубыдэу.

Об авторе

Черкес Хэку

Просмотреть все сообщения

Добавить комментарий

Ваш адрес email не будет опубликован.