Туризмым зегъэужьыныр

Къэрэшей-Черкесым деж Iэпэ щыщIадзащ туризмэ лъэныкъуэм Ищхъэрэ-Кавказ федеральнэ хэгъуэгумрэ (СКФО) Адыгэ Республикэмрэ ядэлэжьэнымкIэ теухуа зэгурыIуэныгъэм.

Ищхъэрэ Кавказым туризмым зыщегъэужьыным епхауэ мыхьэнэшхуэ зиIэ Iуэхухэр къыщаIэтащ «Устойчивое развитие туризма на Северном Кавказе и создание межрегионального туристического проекта на территории СКФО и Республики Адыгея» темэм теухуауэ иджыблагъэ Дербент къалэм щекIуэкIа зэIущIэм.

ЗэIущIэр ирагъэкIуэкIащ Урысей Федерацэм и Къэрал Думэм туризмэмрэ турист инфраструктурэм зегъэужьынымрэкIэ щыIэ Комитетым и тхьэмадэм и япэ къуэдзэ Валуев Николай и унафэм щIэту.

Абы хэтащ Урысей Федерацэм и Президентым и полномочнэ лIыкIуэу СКФО-м щыIэм и къуэдзэ Надыкто Владимир, УФ-м экономикэ зыужьыныгъэмкIэ и Министерствэм епхауэ СКФО-м и социально-экономикэ зыужьыныгъэмкIэ щыIэ департаментым и унафэщI Храновский Игорь сымэ.

Жыжьэ кIуэ (стратегическэ) гугъэхэм ятегъэпсыхьа сессиеу тIу ирагъэкIуэкIати, абдежым къыщаIэтащ Ищхъэрэ Кавказым и хэгъуэгухэм я турист индустриехэр зэлъыкъуэгъэувэным епха Iуэхур. Ар щхьэпэнущ СКФО-мрэ Адыгэ Республикэмрэ я щIыналъэхэм я экономическэ зэпIэзэрытыныгъэмрэ зыужьыныгъэмрэ. Сэбэп зэкIынухэм ящыщщ туризмэ индустриер бжыгъэ (цифровой) Iэмалым хуэгъэкIуэнымрэ Ищхъэрэ Кавказым и турист нагъыщэр (брендыр) пхыгъэкIынымрэ.

Мы Iуэхум и къэухьхэм иту, Къэрэшей-Черкесым туризмэм епха зэгурыIуэныгъэ ядищIащ СКФО-м и хэгъуэгухэмрэ Адыгэ Республикэмрэ. Ищхъэрэ Кавказым хэгъуэгузэпх туризмэ проект къыщызэгъэпэщыным епха зэIущIэм хэтащ, зэгурыIуэныгъэми Iэпэ щIидзащ Къэрэшей-Черкесым туризмэмрэ  курортхэмрэкIэ и министр  Текеев Расул.

ЗэраухылIа зэгурыIуэныгъэр хьэкъыпIэкIэ хуэунэтIащ зэгъунэгъу республикэхэр туризмэм епха инфраструктурэ проект инхэмкIэ зэдэгъэлэжьэным.

Федеральнэ ЗэIущIэм и къызэгъэпэщакIуэу къэуващ  Урысей Федерацэм и Къэрал Думэм туризмэмрэ турист инфраструктурэм зегъэужьынымрэкIэ и Комитетыр, туризмэмкIэ Федеральнэ Агентствэр, Урысей географическэ жылагъуэр, Дагъыстан Республикэм туризмэмкIэ и Министерствэр, Ищхъэрэ –Кавказ федеральнэ университетыр, хьэщIагъэ индустрием и Лъэпкъпсо Союзыр (ОСИГ), Московскэ къэрал университетым (МГУ) и ESG-лабораторэр.

 

 

Об авторе

Черкес Хэку

Просмотреть все сообщения

Добавить комментарий

Ваш адрес email не будет опубликован.