Къэрал дэІэпыкъуныгъэ КъЧР-м и Правительствэм щекІуэкІа зэІущІэм деж «Земскэ» егъэджакІуэхэмрэ мэкъумэшыщІэхэмрэ дэІэпыкъуныгъэ ягъэгъуэтыным теухуа унафэ проектхэр къащтащ.

КъЧР-м и Правительствэм и тхьэмадэ Аргун Мурат зи пашэу екІуэкІа зэІущІэм хэтахэр упщІэ 13-м хэплъащ. Министрхэм ягъэнэІуащ Къэрэшей-Черкесым хыхьэ къуажэхэм, жылагъуэхэм, цІыху мин 50-м нэс зыщыпсэу къалэхэм лэжьэну кІуа, къэкуэша егъэджакІуэхэм зэ тыгъуэ компенсацэ дэІэпыкъуныгъэ ягъэгъуэтынымкІэ Іуэхум и зэкІэлъыкІуэкІэу щытынум.

КъЧРм егъэджэныгъэмрэ щІэныгъэмрэкІэ и министрым и къуэдзэ Шаманов Щэмил зэІущІэм хэтхэр проектым щигъэгъуэзащ.

Фигу къэдгъэкІыжынщи, КъЧРм и Іэтащхьэ Темрезов Рэшид и унафэм ипкъ иту, «Земскэ» егъэджакІуэм и улахуэм къинэмыщІауэ, зэ тыгъуэу сом мини 100 ират. Ар къызыхагъэкІыр республикэ бюджетращ.

АдэкІэ зэІущІэм хэтахэр хэплъащ субсидиехэр мэкъумэш хъызмэтым щылажьэхэм ятыным теухуа упщІэхэм. Абы хуэгъэзауэ къэпсэлъащ республикэм мэкъумэш хъызмэтымкІэ и министр Боташев Анзор.

Мэкъумэш хъызмэтым теухуа проектым къыщыхьащ республикэ бюджетым къыхэкІыу субсидиер зыхуагъэлэжьэну кІуэрабгъухэр, абы и тыкІэмрэ щытыкІэхэмрэ. Министрым зэрыжиІащи, апхуэдэ дэІэпыкъуныгъэр икъукІэ къащхьэпэнущ субсидиер зратынухэм: Іэщхъуныгъэм, бжэнхъуныгъэм, мэлхъуныгъэм телажьэхэм.

КъинэмыщІауэ, дэІэпыкъуныгъэ ирагъэгъуэтынущ мэкъумэш къэкІыгъэхэр гъэкІыным телажьэ къудамэми. Абы теухуа проектри къащтащ. Абы ипкъ иткІэрэ, дэІэпыкъуныгъэ ирагъэгъуэтынущ хадэхэкІхэр, кІэртІофыр гъэкІыным телажьэхэм.

Министрхэр хэплъащ зи узыншагъэкІэ дагъуэ зиІэ цІыхухэр лэжьапІэ ящтэным, ар республикэм щагъэнэІуа квотэм зэрытехуэм ехьэлІа упщІэхэми.

Об авторе

Черкес Хэку

Просмотреть все сообщения

Добавить комментарий

Ваш адрес email не будет опубликован.