Зы къарууэ

«Сильные идеи для нового поколения»

Зы къарууэ

Гъатхэпэм (мартым) и 16-м екІуэкІа, Урысейм и хэгъуэгухэм социально-экономикэ дэІэпыкъуныгъэ ягъэгъуэты­ным теухуауэ щыта зэІущІэм деж УФ-м и Президент Путин Владимир хэгъуэгу командэхэр къыхуриджащ «Сильные идеи для нового поколения» форумыр къызэгъэпэщыным къыхыхьэну. Ар ирагъэкІуэкІынущ АСИ-мрэ (Агенство стратегических инициатив) Росконгресс Фондымрэ.

Къэралым и Президентым къызэрыхигъэщащи, форумым и фІыщІэкІэ хэгъуэгум, къалэм, зэрыкъэралу я зыужьыныгъэм теухуа программэхэр, жэрдэмхэр, проект­хэр игъэнэІуэнымкІэ дэтхэнэ урысей цІыхуми лъэкІы­ныгъэ игъуэтынущ.

«Ди экономикэм, къэрал бюджетым, уней хьэрычэ­тым лъэкІыныгъэ псори яІэщ пІалъэ кІыхь къалэнхэр ягъэзэщІэнымкІэ. 2030 гъэм нэгъунэ теухуауэ дгъэнэІуа стратегическэ лъэпкъ унэтІыныгъэ лэжьыгъэхэр щызу дгъэзэщІэн хуейщ. КъытхукъуэкІа лъэпощхьэпохэм лъэкІыныгъэ къыдат нэхъри зыкъызэщІэткъуэу дылэжьэ­нымкІэ. Дэр-дэру зытедгъэпсыхьын хуейщ цІыхухэм сэбэп къахуэхъун кІуэрабгъухэмрэ къалэнхэмрэ. Пэжщ, апхуэдэ щытыкІэм къыхэкІыу ди программэхэм щІыгъужыныгъэхэр хуэтщІын хуейуэ къыщІэкІынщ икІи мыбдеж къытщхьэпэнущ еджагъэшхуэхэм, жылагъуэ зэгухьэныгъэхэм, ІуэхущІэ гуащІафІэхэм я жэрдэмхэр. Абы къыхэкІыу, хэгъуэгухэм зыфхузогъазэ «Сильные идеи для нового поколения» форумыр къызэгъэпэщын лэжьыгъэм фыкъыхыхьэну»,—жиІащ Путин Владимир.

 

 

Об авторе

Черкес Хэку

Просмотреть все сообщения

Добавить комментарий

Ваш адрес email не будет опубликован.