ДЖЭРДЖЭ Руслан, Адыгэ-Хьэблэ къуажэм дэт щэнхабзэмкIэ Унэм и унафэщI

ДЖЭРДЖЭ Руслан,
Адыгэ-Хьэблэ къуажэм дэт щэнхабзэмкIэ Унэм и унафэщI:
— Мы зэман къекIуэкIым дэтхэнэри дызыгъэпIейтей, ди гур зыхуз Iуэхугъуэщ Украинэм щекIуэкI спецоперацэр. А Iуэхугъуэр Iэмал имыIэу егъэкIуэкIыпхъэу уна­фэ къэзыхьа, ди къэралым и Президент Путин Владимир и къыхэлъхьэныгъэр, шэч хэмылъу, дыдощтэ.
Илъэсийм къриубыдэу Донбассым щыпсэухэр: лIыжь – фызыжьхэр, щIалэгъуалэр, сабийхэр гугъу щрагъэхьым, щызэтраукIэм, зэхэзехуэн щащIым, КъухьэпIэм зи­ущэхуащ, зыри имылъагъуу, зыри зэхи­мыхыу зищIащ. Ар къызыгурымыIуэ къытхэтыжу си фIэщ хъукъым.
Нобэ Украинэ хэгъуэгум щекIуэкI спецоперацэм ипкъ иту Урысей къулыкъущIэхэм мамыр гъащIэр, щхьэхуитыныгъэр къыхуахьыж Донбассым и цIыхухэм. Абыхэм ерыскъыкIэ, хьэпшыпкIэ, хущхъуэхэмкIэ зыщIагъакъуэ.
Дыщогугъ къэралхэм я политикхэм зэдрагъэкIуэкI зэпсэлъэныгъэм зэгурыIуэ­ныгъэ къикIыну. ИкIи, пэжагъым утыкур иубыду, зэпэщIэтыныгъэмкIэ игъуэтыну, Донбасс хэгъуэгур мамыр псэукIэм теувэжыну.
Зи къулыкъу пщэрылъыр зыгъэзащIэу, ди Хэкум и гъунапкъэхэр зыхъумэу, Донбассым щыпсэу цIыхубэм къащхьэщыж ди къулыкъущIэхэм, а операцэм лIыгъэ щагъэлъагъуэу, хахуэу хэтхэм, псэкIэ дакъуэтщ.
Догугъэ ди щIалэхэр узыншэу къыт­хуекIуэлIэжыну. Хэку зауэшхуэм щыгъуэ ТекIуэныгъэр къытхуэзылъэща, лIыхъужьыгъэ зезыхьа ди адэшхуэхэм я щапхъэращ нобэ Украинэр хуит зыщIыж щIэблэм я гъуэгугъэлъагъуэр.
Шэчыншэу, пэжым гъуэгу игъуэтынущ икIи текIуэныгъэр къылъысынущ.

Об авторе

Черкес Хэку

Просмотреть все сообщения

Добавить комментарий

Ваш адрес email не будет опубликован.