Гъуэгухэр ирагъэфIакIуэ

Мы махуэхэм зэIущIащ КъЧР-м и Iэтащхьэ Темрезов Рэшидрэ хэгъуэгум и  вице-премьер, Правительствэм деж ухуэныгъэ лъэныкъуэр зи нэIэм щIэт Гордиенко Евгенийрэ.

Нэхъыщхьэу зытепсэлъыхьар мы илъэсым ирагъэкIуэкIыну гъуэгу ухуэныгъэхэращ. Апхуэдэу, «Безопасные и качественные дороги» Лъэпкъ проектым ипкъ иту, нэгъуэщI къэрал программэхэми я фIыгъэкIэ, 2022 гъэм гъуэгу километр 40 зэрагъэзэхуэжынущ. Абыхэм ящыщу, республикэ къалащхьэм деж щытыкIэ тэмэмым ирагъэувэнущ зэхэту километр 13 зи кIыхьагъ гъуэгу Iыхьэ 27-рэ.

Гъуэгум елэжьхэр пэрыуващ «Черкесск-Исправнэ-Сторожевой» автомобиль гъуэгум и е 6-нэ километрымр, ПсэукIэ – Дахэрэ Беслъэнейрэ я зэхуаку дэлъ гъуэгу Iыхьэр зэгъэзэхуэжыным. Апхуэдэщи, Черкесск къалэм и Юбилейнэ уэрамым и щIыпIитIми елэжьынущ.

А псоми я щIыIужкIэ, мы махуэхэм ирагъэжьэнущ Карачаевск къалэм дэт «Саулукъ» стадионым ехьэлIа зэгъэзэхуэжыныгъэхэр.

«Мы илъэсым а зэгъэзэхуэжыныгъэхэр зэлъыщIэдгъэхьэнущ, Къэрэшей-Черкесыр илъэси 100 зэрырикъум и щIыхькIэ, а IуэхущIапIэр тыгъэ яхуэтщIынущ Карачаевск къалэм щыпсэухэм.

 

Об авторе

Черкес Хэку

Просмотреть все сообщения

Добавить комментарий

Ваш адрес email не будет опубликован.