Грантыр – фермерхэм

«Агростартап»       Грантыр – фермерхэм

«Малое и среднее предпринимательство и поддержка индивидуальной предпринимательской инициативы» лъэпкъ проектым хыхьэ «Создание системы поддержки фермеров и развитие сельской кооперации» хэгъуэгу проектым и къэухьхэм иту, иухащ «Агростартап» грантыр зратынухэр зэныкъуэкъуныгъэ щIыкIэм иту къыхэхыныр.

Зэныкъуэкъуныгъэ зэпеуэм къыпэкIуахэмкIэ, текIуауэ къалъытащ фермер 49-р.

Грантхэр ират Iэщхъуныгъэмрэ къэкIыгъэ щIэнымрэ, абы къыхах мэкъумэш продукцэм елэжьынымрэ ар хъумэнымрэ зэрызэфIагъэкI проектхэм пылъхэр. Я проектхэм я къэухьхэм иту фермерхэм къаIэщIыхьа ахъшэр  трагъэкIуадэ хъунущ продукцэм елэжьынымрэ ар хъумэнымрэ тегъэпсыхьа псэуалъэхэр, хъумапIэ унэхэр яухуэнымрэ зэрагъэзэхуэжынымрэ папщIэ проект тхылъхэр зэхэлъхьэным, абы щIыгъуу, проект тхылъхэмкIэ  лэжьыгъэхэр гъэзэщIэным, бдзэжьей шырхэмрэ нэгъуэщI псэущхьэхэмрэ къэщэхуным.

Абы къинэмыщIауэ, ахъшэхэр къагъэсэбэп хъунущ жыгыщIэ цIыкIухэр, жызумейхэри яхэту, къащэхуным, мэкъумэш техникэр зыIэрагъыхьэным, грант зэрагуэш хабзэхэм къыщыгъэлъэгъуа нэгъуэщI Iэмалхэр зэрахьэным.

Ари иджыри зэ къыхэдгъэщынщи, грантхэр  конкурс комиссым егуэш зэныкъуэкъуныгъэ лъапсэм тету. А комиссым хэтщ  «Къарачай-Алан Хьэлъкъ», «Адыгэ Хасэ»,  «Алашара», «Ногай Эл»  жылагъуэ организацэхэм, мэкъумэшыщIэ-фермер хъызмэтхэмрэ мэкъумэш кооперативхэмрэ я Ассоциацэм (АККОР), мэкъумэш хъызмэт кооперацэм и Союзым, Къэрэшей-Черкесым и Iэтащхьэм деж Iулъхьэм пэщIэтын IуэхухэмкIэ щыIэ  Управленэм  я лIыкIуэхэр.

 

КъЧР-м и Iэтащхьэмрэ и Правительствэмрэ я пресс-къулыкъу

Об авторе

Черкес Хэку

Просмотреть все сообщения

Добавить комментарий

Ваш адрес email не будет опубликован.